जिओ टॅग लोकेशन बंधारा चोरीला ;गुत्तेदार अधिकाऱ्याच्या मर्जीप्रमाणे मनमानी कारभार
तुळजापूर : ज्ञानेश्वर गवळी
तालुक्यातील आपसिंगा येथील तीन बंधाऱ्यासाठी शासनाचे ६० लाख निधी अधिकारी व गुत्तेदार यांच्या संगनमतानी जिओ टॅग लोकेशन बदलून गुत्तेदार व अधिकाऱ्यांच्या मर्जीप्रमाणे बंधारा न करता इतर ठिकाणी थातूरमातूर करून ६० लाखांचे बंधारे पाण्यात.असे तालुक्यात किती बंधारे बांधून शासनाची दिशाभूल करून स्वतःची झोळी भरली आहे.
गावालगत असलेल्या ओढ्यावर कोट्यवधी रुपये खर्च करून मृद व जलसंधारण विभागाच्या वतीने तीन गेटेड बंधारे बांधण्यात आले. मात्र, निकृष्ट दर्जाच्या कामाने ते पोखरून गेलेले आहेत. काही ठिकाणी बिल निगाच्या अगोदरच दरवाजेही चोरून नेले आहेत सद्यःस्थितीत बंधाऱ्याच्या भिंतीला काही दिवसातच भेगा ही पडलेल्या असल्याने ठेकेदाराने बांधलेल्या बंधाऱ्याची क्वालिटी कंट्रोल विभागाकडून चौकशी करण्याची मागणी आपसिंगा ग्रामस्थाकडून होत आहे.
पावसाचे वाहणारे पाणी अडवून जमिनीत जिरावे, भूगर्भातील पाणीसाठ्यात वाढ व्हावी, उन्हाळ्यात पाणीसाठ्याचा शेतकऱ्यांना उपयोग व्हावा, या उद्देशाने मृद व जलसंधारण विभागाच्या वतीने गेटेड बंधाऱ्याचे काम हाती घेतले आहे. मात्र, तालुक्यातील आपसिंगा परिसरातील या योजनेत प्रचंड प्रमाणात गैरप्रकार झालेला दिसून येत आहे.
यातील महादेव माळ बंधाऱ्यांवर दरवाजे लावण्यात आले नाहीत. यातीलच एका बंधाऱ्याला तर काही दिवसातच भेगाही पडल्या असून,पावसाच्या पाण्याचा एक थेंबही बंधाऱ्यात जिरू शकला नाही. शिवाय हे काम करताना कमी गेजची सळई, अत्यल्प सिमेंटचा वापर करीत मातीमिश्रित डस्टने बांधण्यात आले आहेत. काही बंधाऱ्याच्या ठिकाणी रुंदीकरण केले नसल्याचे येथील परिस्थितीवरून दिसून येत आहे.