नळदुर्ग खून प्रकरणातील एक महिला आरोपीस जिल्हा व सत्र न्यायालयाकडून जामीन मंजूर .
तुळजापूर : ज्ञानेश्वर गवळी
नळदुर्ग येथील शिवराज बार आणि हॉटेल समोर घडलेल्या थरारक खून प्रकरणातील महिला आरोपी श्वेता जयकुमार गायकवाड यांना धाराशिव जिल्हा व सत्र न्यायालयाकडून जामीन मंजूर .
नळदुर्ग पोलीस स्टेशन अंतर्गत दिनांक २८/०५/२०२५ रोजी गुन्हा नोंद क्रमांक १९३/२०२५ यू / एस १०३, ३(५) बीएनएस ॲन्ड यू/ एस ४,२५ of ऑफ Arms Act अन्वये नोंद झाला होता सदर प्रकरणात दिनांक २७/०५/२०२५ रोजी शिवराज बार आणि हॉटेल समोर घडलेल्या थरारक खून केल्याची घटना घडली होती. सदर प्रकरणी तीन आरोपींना अटक करण्यात आली होती. त्या पैकी एक महीला श्वेता जयकुमार गायकवाड यांचा जमीन अर्ज ॲड विशाल प्रभाकर साखरे यांनी जिल्हा व सत्र न्यायालयात ठेवला होता. सदरील सुनावणी ही जिल्हा व सत्र न्यायाधीश औटी यांच्या न्यायालयात झाली. सदर जामीन अर्जाच्या सुनावणीत ॲड. विशाल साखरे यांनी सदरील महीला आरोपीस गुन्ह्यात कोणताही संबंध नसताना आरोपी म्हणून समाविष्ट केले असून सदर महीला आरोपी ही घटना घडली त्या वेळी ती तिच्या घरीच उपस्थित होती. पोलिसांनी केवळ तिला मोबाईल वरील संभाषणाच्या आधारे गुन्ह्यात आरोपी केले आणि घटना ही शिवराज बार समोर अचानक घडली परंतु या घटनेत कोणताही कट रचला गेला नसून सदर महीला ही गुन्ह्यात विनाकारण अडकवल्याचा युक्तिवाद सादर केला. तसेच पोलीसनी गुन्हा घडल्या नंतर तत्काळ घटनास्थळाला भेट दिली होती परंतु पोलिसांनी तात्काळ दिनांक २७/०५/२०२५ रोजी गुन्हा नोंदवणे अपेक्षित असतानाही पोलिसांनी फिर्यादीची एक दिवस वाट पाहिली व फिर्यादी दुसऱ्या दिवशी आल्यावर उशिराने गुन्हा नोंद केला. वास्तविक मयत हा सदर हॉटेलवर पूर्वीच होता व त्याने मद्यपान करून जयकुमार गायकवाड याच्यावर चाकूने हल्ला देखील केला होता सदर मयताने चाकूने जयकुमार गायकवाड यांच्यावर जीवघेणा हल्ला केल्याने सदर घटना घडल्याचा युक्तिवाद ॲड. विशाल साखरे यांनी केला. सदर युक्तिवादाच्या पुष्टी करिता ॲड. साखरे यांनी सर्वोच व उच्च न्यायालयाचे विविध मुद्द्यावर न्यायनिवाडे सदर करून सक्षम असा युक्तिवाद सादर केला. सदर युक्तिवाद ग्राह्य धरून जिल्हा व सत्र न्यायाधीश औटी यांनी महिला आरोपी श्वेता जयकुमार गायकवाड यांचा जामीन अर्ज मंजूर केला.ॲड.विशाल साखरे यांना ॲड.मंजुषा साखरे,ॲड. महेश लोहार,ॲड. शुभम,
ॲड,तांबे, ॲड. अर्चना कांबळे, अँड लक्ष्मीकांत कुलकर्णी, ॲड अमित गोळे, ॲड .उदय आडेकर., ॲड संकेत गोरे,, रोहीत लोमटे, महेश पवार, यांनी सहकार्य केले.