तुळजापूर तालुक्यातील मसला खुर्द येथे बिबट्याचा भरदिवसा हल्ला;तरुण जखमी
तुळजापूर : ज्ञानेश्वर गवळी
तालुक्यातील मसला खुर्द शिवारात शेती कामे करणाऱ्या युवकावर बिबट्याने प्राणघातक हल्ला केला. या अपघातात युवक गंभीर जखमी झाला असून पुढील उपचारासाठी त्याला तातडीने उपजिल्हा रुग्णालयात हलवण्यात आले आहे.
ही घटना सोमवारी दुपारी दोन वाजेच्या सुमारास घडली एका युवकावर बिबट्याने हल्ला केल्याची धक्कादायक घटना घडली आहे. निखिल बाबुराव गायकवाड (वय २७ वर्षे) असे या हल्ल्यात जखमी झालेल्या युवकाचे नाव आहे.मिळालेल्या माहितीनुसार, निखिल गायकवाड हा मसला खुर्द येथील रहिवासी असून, दुपारी शेतात अचानक बिबट्याने त्याच्यावर झडप मारली. या हल्ल्यात निखिलच्या डाव्या बाजूच्या दंडाला मोठी जखम झाली आहे. तसेच, बिबट्याने त्याच्या अंगावर नखांनी वार केले आहेत.घटनेनंतर तात्काळ निखिलला तुळजापूर येथील उपजिल्हा रुग्णालयात उपचारासाठी दाखल करण्यात आले असून, त्याच्यावर उपचार सुरू आहेत. निखिल शरीराने जाडजूड असल्यामुळे तो या हल्ल्यातून बचावला असल्याचे बोलले जात आहे. या घटनेमुळे मसला खुर्द आणि आसपासच्या परिसरात भीतीचे वातावरण पसरले आहे.
