तुळजापूर येथील कुलस्वामिनी सहकारी सूतगिरणीला शॉर्टसर्किटमुळे लागली आग लाखोचे नुकसान
तुळजापूर : ज्ञानेश्वर गवळी
तुळजापूरच्या कुलस्वामिनी सहकारी सूतगिरणीत दि.१३ फेब्रवारी रोजी सकाळी १० ते ११ च्या दम्यान अचानक आगीचे लोळ उठले. गेली अनेक वर्षे बंद पडलेली ही सूतगिरणी अचानक शॉर्टसर्किटमुळे धगधगू लागली, आणि क्षणातच लाखो रुपयांचे नुकसान झाले. पण हा अपघात होता की नियोजनबद्ध कट, हा खरा प्रश्न आहे !
आग लागल्याचे समजताच तुळजापूर पालिकेच्या अग्निशमन दलाने तातडीने घटनास्थळी धाव घेतली. जवानांनी शर्थीने प्रयत्न करत आगीवर नियंत्रण मिळवले. मात्र, ही आग खरीच शॉर्टसर्किटमुळे लागली का कोणीतरी मुद्दामहून पेटवली, यावर चर्चा रंगली आहे.
