शाकंभरी महोत्सव कार्यक्रमाच्या दिनदर्शिकाचे प्रकाशन
भूम : औदुंबर जाध
भूम येथील श्री चौंडेश्वरी देवी शाकंभरी पौर्णिमा महोत्सव ६३ व्या वर्षात ५ जानेवारी रोजी पासून अखंड हरिनाम सप्ताहाच्या कार्यक्रमापासून सुरू होत आहे . या निमित्ताने अनेक अभ्यासू कीर्तन – प्रवचन – भारूडकारांचे कार्यक्रम होणार आहेत . भाविकांनी याचा लाभ घ्यावा असे आवाहन आयोजकांनी केले आहे . या सर्व कार्यक्रमाच्या भीती पत्रकाचे प्रकाशन समाज बांधवांच्यावतीने करण्यात आले . ह भ प वैकुंठवासी गुरुवर्य रामदेव बाबा नेकनूरकर, आत्मचैतन्य महाराज म्हैसगावकर यांच्या कृपा आशीर्वादाने श्री चौंडेश्वरी देवी शाकंभरी पौर्णिमा 2025 हा महोत्सव ६३ व्या वर्षात ५ जानेवारी २०२४ पासून सुरू होत आहे . या निमित्ताने अखंड हरिनाम सप्ताहाला सुरुवात होत आहे . या अखंड हरिनाम सप्ताह दरम्यान ह भ प सर्जेराव काशीद माजलगाव, परमेश्वरीताई परभणे, भरत जोगी परळी वैजनाथ, ओंकार बाबर अहिल्यानगर, अर्जुन मोटे पळशीकर जालना, संग्राम भंडारे आळंदी देवाची, विलास गेजगे बोथिकर व रवींद्र हरणे मुक्ताईनगर महाराज यांचे कीर्तन व कृष्णा जोगदंड महाराज यांचा भारुडाचा कार्यक्रम होणार आहे . शेवटी महाप्रसादाची महापंगत होणार आहे . या सर्व कार्यक्रमाचा भाविक भक्तांनी लाभ घ्यावा असे आवाहन समस्त कोष्टी समाज बांधवांच्यावतीने केले आहे . संपूर्ण कार्यक्रमा संदर्भात भितीपत्रके तयार केली आहेत . याचा प्रकाशन सोहळा जेष्ठ समाज बांधवांच्या हस्ते करण्यात आले . यावेळी जेष्ठ समाज बांधव अंबादास वरवडे , पांडुरंग वरवडे, कोष्टी समाज ट्रस्ट अध्यक्ष विठ्ठल बागडे, सचिव पत्रकार शंकर खामकर, कांतलिंग खामकर, आबा नवले, राम बाबर, अतुल उपरे, पांडुरंग बुगड , मधुकर उपरेसह असंख्य समाज बांधव उपस्थित होते.