यात्रा मैदानची जागा मोकळी करण्याचंलाडक्या बहिणींचे मुख्यमंत्री देवेंद्र फडणवीस यांना निवेदन..
लाडक्या बहिणींची इच्छापुर्ण करणार का मुख्यमंत्री देवेंद्र फडणवीससाहेब ?
तुळजापूर : ज्ञानेश्वर गवळी
तिर्थ क्षेत्र आई तुळजाभवानीच्या पावन पवित्र नगरीत यात्रा मैदानासाठी आरक्षित सात एकर जागा… आणि त्या जागेचा खेळखंडोबा ! १९८९ साली शासनाने ही जागा यात्रा मैदानासाठी राखीव ठेवली,१२ लाख मंजूर केले,३.४८ लाख भरपाई दिली. पण पुढे काय? सत्तेच्या खुर्चीवर बसताच ठराव बदलला, फेरफार गायब झाले आणि डुप्लिकेट पीआर कार्ड तयार झालं! पदाचा सुवर्णसंधी साधत एका माजी नगराध्यक्षाने शासकीय अधिकाऱ्यांना हाताशी धरून जमीन हडपण्याचा मास्टर प्लॅन राबवला. परिणामी, सात एकर जागेपैकी फक्त तीन एकर मोकळी, बाकीच्या जागेवर उभ्या आहेत बिल्डिंग मोठ्या प्रमाणावर इमारती ! हे सर्व बघून नागरिक चिडले, रस्त्यावर उतरले, उपोषण सुरू केलं. पण सत्ता आणि प्रशासन बहिरे झाले की काय? दि.२९ शनिवार रोजी मुख्यमंत्री देवेंद्र फडणवीस तुळजापूर दौऱ्यावर आले असल्याने काही कमानवेस येथील पुजारी महिलांनी त्यांना यात्रा मैदानची जागा मोकळी करण्याचं मुख्यमंत्री देवेंद्र फडणवीस यांना शहाजीराजे महाद्वारासमोर निवेदन दिलं.यावेळी मोठ्या प्रमाणात महिला निवेदन देताना उपस्थित होत्या.