खरेदीवरील पॉईट दिले नाहीत म्हणून तक्रारदारास मानसिक त्रासापोटी पाच हजार रुपये मुक्ताई मार्ट प्रा. लि. केला दंड
जिल्हा ग्राहक तक्रार निवारण आयोग दणका !
धाराशिव : प्रतिनिधी
येथील राहुल बाबुराव खटके यांनी मुक्ताई मार्ट प्रा.लि. या धाराशिव येथील दुकानातुन खरेदी केलेल्या कपडयाच्या मालावर मुक्ताई प्रा.लि. यांनी पॉईट दिले नाही म्हणुन त्यांच्या विरोधात जिल्हा ग्राहक तक्रार निवारण आयोग धाराशिव येथे ॲड, देविदास वडगांवकर यांच्या मार्फतीने तक्रार दाखल केली होती. या तक्रारीची सुनावणी आयोगाचे अध्यक्ष अमोल गिराम आणि सदस्य श्रीमती वैशाली बोराडे यांच्या समोर झाली. त्यावर आयोगाने तक्रारदार यांची तक्रार मंजुर करुन मुक्ताई मार्ट प्रा. लि. यांनी तक्रारदार यांना मानसिक त्रासापोटी रु. 5000/- आणि तक्रारीचा खर्च रुपये म्हणून 5000/- दयावेत आसे आदेश दिले आहेत. या आदेशाची पुर्तता 45 दिवसात करणे आसा ही आदेश दिला आहे.अल्पावधित लोकप्रिय झालेल्या मुक्ताई मार्ट यांनी ग्राहकांना सेवा देताना कशी त्रुटी केली याची चर्चा परिसरात होत आहे. या कामी ॲड. अविनाश मैदरकर यांनी सहकार्य केले.
