तुळजापूर एम डी ड्रग्ज प्रकरणी गोटन कदम-परमेश्वर व अर्जुन सुभाष हजारे या दोन आरोपींना अंबाजोगाई येथे अटक
तुळजापूर : ज्ञानेश्वर गवळी
तुळजापूर ड्रग्ज प्रकरणी फरार आरोपी प्रसाद उर्फ गोटन धोंडीराम कदम-परमेश्वर ३४ वर्ष राहणार तुळजापूर खुर्द रोड विठाई हॉस्पिटल शेजारी तसे अर्जुन सुभाष हजारे वय ३१ वर्ष व्यवसाय हॉटेल व्यवसाय रा.मौजे उपळाई खुर्द ,तालुका माढा, जिल्हा सोलापूर हे दोन संशयित आरोपीस अटक करण्यात आली असून,या दोन आरोपीस अंबाजोगाई येथून तामलवाडी पोलीस ठाण्याच्या पथकाने अटक केली आहे.
दि.१५ ऑगस्ट रोजी दुपारी अंबाजोगाई येथून पोलिसांनी आरोपींच्या मुसक्या आवळल्याने फरार असलेले इतर ५ आरोपींच्या लवकरच मुसक्या आवळल्या जातील अशी शक्यता आहे.या संपूर्ण प्रकरणाचा पोलिस अत्यंत शिस्तबद्ध व नियोजनपूर्वक तपास करत असून एकूण ३८ आरोपी निष्पन्न झालेले आहेत.२४ आरोपी अटक करण्यात आले आहे.तर ८ जनाचा जामीन झालेला आहे. तर २ पोलीस कोठडीत ५ आरोपी फरार आहेत.पोलीस अधिक्षक धाराशिव रितू खोखर यांच्या मार्गदर्शनाखाली उपविभागीय पोलीस अधिकारी डॉ,निलेश देशमुख व तामलवाडी पोलीस ठाण्याचे सहाय्यक पोलीस निरीक्षक गोकुळ ठाकूर हे तपास करीत आहेत.